كيفية إنشاء محتوى سوشيال ميديا باحتراف

بتفكر ازاي تقدر تتواصل مع عملائك بطريقة اكتر، عاوز تقدم لهم محتوى تسويقي للسوشيال ميديا بصورة مستمرة ومن غير تكرار.

أو عاوز تخلى علامتك التجارية تتعرف أكتر، وبتحاول توصل رسالتك التجارية لأكبر عدد من الأشخاص، وعاوز تخليها مستمرة.

في المقال ده هتقدر تعرف ازاي تقدر تعمل خطة محتوى تسويقي للسوشيال ميديا سواء كان لمشروعك التجاري أو لشركة التسويق

الإلكتروني لمشروعك الخاص.

خطوات انشاء محتوى سوشيال ميديا

 

اعرف عملائك المستهدفين جيداً

عشان تقدر تعرف عميلك كويس، لازم تفهمه كويس وتعرف ايه المناسب ليه واللى عاوزه ، واللي هيقدر يستفاد منه.

ولازم تعرف إن معلومات عن العميل زي العمر أو الجنس وغيرها من الخصائص الديموغرافية مش كفايه ابداً انها تعرفك عن العملاء.

وانك لازم تقدم لهم خبرة تسويقية جديدة ويحبوها وفي نفس الوقت، وتقدر تساعدهم في حياتهم، بحيث انك تحاول تعيش تجربتهم وتحاول تقدم

لهم اللى محتاجينه.

زي مثلاً دلوقتي شركة أوبر اللى قدرت تنجح في وقت قليل جداً، وده عشان قدرت تحقق للعميل خدمة هو بحاجة ليها وبتسهل عليه حياته.

ومن ناحية تانية لازم تحدد شريحة العملاء المستهدفين اللى عاوز توصل ليهم خدماتك ومنتجاتك، سواء كانت شريحة الأطفال أو الشباب أو

الكبار.

ومن بعدها تحدد اهتمامات كل شريحة، بحيث تحط نفسك مكانهم وتحاول تعرف احتياجات كل واحد منهم وتقدمها ليهم.

حدد أهدافك التسويقية بدقة في السوشيال ميديا

لازم عشان تقدر تقدم محتوي سوشيال ميديا مستمر معاك ومع عملائك، انت محتاج يكون ليك أهداف محددة تمشي عليها.

كمان لازم يكون كل هدف من أهدافك محدد، وقابل للقياس، وممكن تحققه يعني متحطش هدف متقدرش تحققه في فترة زمنية معنية.

بمعنى أن خطوة تحديد أهدافك مهمة عشان تقدر تعرف شركتك أو تجارتك ماشية ازاى، وتعرف أرباحك من كل هدف واللى قدرت تحققه.

زي مثلاً إن يكون هدفك هو تعزيز المعرفة بعلامتك التجارية، وهو من الأهداف المهمة لكل المسوقين على السوشيال ميديا.

فلنفترض مثلاً أن تويتر هو المنصة اللى عاوز تنشر عليها محتوى سوشيال ميديا، ومنها لازم تبدأ تحلل حاجات زي:

1- عدد المتابعين

2- المشاركات والاخطارات على المنصة.

3- المتابعين الجدد

وغيره عشان تقدر تحدد تجارتك ماشية ازاى، وتعرف مدى وعي ومعرفة الناس بعلامتك التجارية، وتقدر تستخدم أداة زي Twitter

Analytics عشان تساعدك.

حاول أن تكون مميزاً في السوشيال ميديا

بنلاقي دلوقتي كتير من الأفكار على السوشيال ميديا، عشان كده من المهم انك تبقى مختلف عن غيرك، وتبعد تماماً عن التقليد الأعمي.

وبكده تقدر يبقى ليك قاعدة جماهير كبيرة،واللى بتلاقى معاك محتوى سوشيال ميديا جديد ومبتكر.

استخدام استراتيجية تفاعلية لمحتوى السوشيال ميديا

ممكن تستخدم عدد كبير من الاستراتيجيات اللى هتساعدك بشكل أو بآخر انك بمحتوى السوشيال ميديا تقدر تجذب عدد كبير من العملاء.

زي مثلاً استراتيجية السؤال والجواب لمحتوى السوشيال ميديا، واللى تبدأ فيها بالسؤال اللى يجذب الجمهور وبعدين تقدم ليهم الجواب في المنشور.

زي مثلاً ازاى تقدر تحافظ على وزن مثالى ؟ أوالسؤال لشرح وصفة معينة وهكذا.

أو مثلاً انك تستخدم استراتيجية التفاعل من خلال التعليقات، واللى كتير يستخدمها رواد عالم السوشيال ميديا حالياً.

وفيها بتطلب من المتابعين إنهم يقولوا رأيهم عن قضية أو حدث أو حتى سؤال، زي مثلاً ايه المكان اللى بتحلم تزوره وهكذا.

البدء بكتابة محتوى السوشيال ميديا

بعد ماخلصت أبحاثك و حددت أهدافك وجمهورك، دلوقتي تقدر تحدد الموضوع اللى هتكتب فيه واللى يكون له علاقة بنشاطك التجاري.

وبعدين الخطوة الأولى انك تحدد الكلمة الرئيسية اللى هتستهدف بيها جمهورك، ممكن تكون كلمة رئيسية تستهدف العملاء اللى عاوزين

الأرخص والأفضل.

أو كلمة افتتاحية تستهدف الأشخاص اللى بيسألوا عن شئ معين وعاوزين جواب،وفي جميع الأحوال الكلمة الافتتاحية بتساعدك انك تعرف

ايه اللى بيبحث عنه العملاء

وبعدين تقسم محتوى المنشور إلى 4 أجزاء:

 

1. مقدمة \” introduction\”: وهي نبذة مختصرة عن الموضوع وبتقدم فيها مجموعة من الحقائق المميزة عنه.

2. جسم الموضوع \”Body\”: وهو الجزء الخاص بالمعلومات اللى هتقدمها، ويكون مقسم في شكل فقرات.

3. الخاتمة \”Conclusion\”: وفيها بتلخص محتوى الموضوع اللى انت قدمته.

4. الدعوة إلى إجراء\” call to action\”: وفيها بتحث العملاء انهم يروحوا مثلاً لموقعك الإلكتروني عشان يتعرفوا على المنتجات

والخدمات اللى بتقدمها.

وبكده تكون اتعلمت ازاى تقدر تعمل محتوى سوشيال ميديا تقدر تسوق من خلاله لمشروعك أو شركة التسويق الإلكترونى لمشروعك

التجاري.

أشكال محتوى السوشيال ميديا

بنلاقى دلوقتى انه فيه أشكال كتير من محتوى السوشيال ميديا، واللى عن طريقها تقدر تحقق أهدافك التسويقية المحددة.

وفي الفقرة دي هقدملك مجموعة من الأشكال الشائعة لمحتوى السوشيال ميديا:

● المقالات

مش كتير بيستخدم المقالات في المحتوى ، ولكن بيتم وضع نبذة مشوقة عن المقال وبعد كده بيتم توجيه الشخص إلى لينك

المقال.

وبنلاقي إن النوع ده اكتر فاعلية لو كان عندك موقع إلكتروني للمنتجات والخدمات اللى بتقدمها.

● الأسئلة والمسابقات

وهو من أنواع المحتوى التفاعلي اللى بتجعل الأشخاص يتفاعلوا مع المحتوى المكتوب، وتنفيذ كل اللى المنشور بيقوله.

● الصور والفيديوهات

وممكن استخدامها من خلال وضع نبذة مصغرة عنها سواء الصور أو الفيديوهات.

● الأسئلة الشائعة

ومن خلالها بيتم استخدام مجموعة من الأسئلة الشائعة بين الجمهور، وتقديم الإجابة لها وتوضيحها للمتابعين.

والغرض من نوع المحتوى ده انه بيساعد على شعور الجمهور بالاهتمام من ناحية المسئولين عن الصفحة، وبالتالى بيزود الثقة من ناحيتهم.

● الانفوجرافيك

ومن خلال النوع ده يتم توضيح مجموعة من الإحصائيات والأرقام المهمة، واللى بيوضح مصداقية الإنتاج الخاص بالعمل.

● المحتوى التوثيقي

ويتميز النوع ده من المحتوى انه مش نوع محدد، وأن الغرض الأساسي منه أنه يعزز الثقة بين الجمهور وصفحاته.

زى مثلاً انك تصور المنتجات أو منتج معين وتشاركه مع الجمهور ، أو مثلاً تطلب من العملاء توضيح آرائهم عن منتج أو خدمة معينة.

وغيرها كتير من المحتوى اللى بيُستخدم للتسويق على المنصات، وبصرف النظر عن شكل المحتوى اللى هتستخدمه، لازم يكون عندك

رسالة واضحة عاوز توصلها لجمهورك.

 

 

 

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *